ສາເຫດ ທີ່ຕ້ອງໄດ້ ປ່ຽນໃໝ່.... (ຄິດວ່າຫຼາຍຄົນຄົງຈະພົບບັນຫານີ້)

ເມື່ອເວົ້າເຖິງຄວາມ ສັດຊື່ ແລະ ເຮັດຕາມີຄຳໝັ້ນສັນຍາ ແມ່ນສິ່ງທີ່ທຸກຄົນປາຖະໜາ.

ມື້ນີ້ ກໍ່ເລີຍຢາກມາລະບາຍຄວາມຮູ້ສຶກ

ມາລະບາຍຄວາມໃນໃຈ...

ເຊິ່ງເຊື່ອວ່າ ຫຼາຍຄົນ ທີ່ອາດມີປະສົບການດຽວກັນ ແລະ ອາດຈະຮ້າຍແຮງກ່ອນທີ່ສິ່ງທີ່ຈະເວົ້າໃຫ້ຟັງນີ້.

ຕອນທຳອິດ, ຫຼາຍຄົນຄົງຈະເຄີຍປະສົບການມາແລ້ວ! ເວົ້າຕອນໃໝ່ໆ ຕອນທຳອິດ ຫັ້ນນາ ອັນໃດ ກະວ່ອງກະໄວ ແບບວ່າສຸດຍອດໄປໝົດ. 

ຄວາມປະທັບໃຈນີ້ບໍ່ໃຫ້ເວົ້າ... ບໍ່ວ່າຈະເປັນ ຕອນເຊົ້າ,​ ສວາຍ ແລະ ແລງ... ປະທັບໃຈສຸດ ກັບການເອົາໃຈໃສ່ ເຊິ່ງກັນແລະກັນ...

ຕອນໃໝ່ໆ ມີບັນຫາ ໂທໄປປຶກສາ ກໍ່ຮັບຟັງ ຫາທາງຊ່ວຍ ແບບຈົນຊຶ້ງໃຈ....

ຍິງຢູ່ນຳກັນມາດົນໆ  ຍິງມີຄວາມຜູກພັນ... ຄືເວົ້າຫັ້ນແລ້ວ ໄລຍະທຳອິດ ອັນໃດກະດີ...

ບາດວ່າເຮົາຢູ່ນຳດົນໆ ກະເລີມ ລະໄດ໋...​ເລີມໂຊຂີ້ພື້ນອອກມາ...

ເລີມສະແດງບັນຫາ... 

ອັນທີ່ເຈັບໃຈ ແມ່ນ ເວລາມີຫຼາຍຄົນເຂົ້າມາ, ຍິງເລີ່ມສ້າງບັນຫາຂຶ້ນມາອີກ. ຄັນວ່າເຮົາລອງໄປລົມວຽກລົມວາ ເລື່ອງທຸລະກິດ ກະເລີ່ມວ່າເຮົານອກໃຈ ຈັ່ງຊັ້ນຈັ່ງຊີ້. ບາງທີ່ກະເກັບກົດໄວ້ຄົນດຽວ ບອກຢາກ ເຮັດຮຸນແຮງ ຜິດໃຈກັນ. 

ເພາະວ່າຢູ່ນຳກັນມາດົນ ແລະ ກະໄດ້ມີການຊ່ວຍເຫຼືອ ໃຫ້ແຮງໃຈ ເຊິ່ງກັນມາດົນ, ກໍ່ຢາກເກັບໄວ້ຫັ້ນແລ້ວ... ບໍ່ຢາກປ່ຽນນັ້ນປ່ຽນນີ້...

ເຈົ້າກະຮູ້ສຶກຄືກັນບໍ່?.... ເວົ້າມາລະໃຈຂຶ້ນເນາະ..

ເວົ້າຫຼາຍມັນກະ ເຈັບໃຈຊື້ໆ ແນວເຂົາບໍ່ຊື່ສັດ ກັບເຮົາ, ຕອນໃໝ່ໆ ກະໂຊດີແທ້... ເວົ້າລະຢາກໃຈຮ້າຍ

ເອີ! ຄັນບໍ່ຍອມປ່ຽນແປງ ຍັງຊິຊັກຊ້າ ແບບນີ້ ຂ້ອຍກະຊິປ່ຽນໄປໃຊ້ເຄືອຄ່າຍອື່ນໃຫ້ມັນແລ້ວ ຊາ, ອັນອິນເຕີເນັດ ເຄືອຂ່າຍນີ້ ນະ! ເງິນກະເງິນ ເຮົາ ຊິໄປງໍ້ມັນເຮັດຫຍັງນໍ້... ຈ່າຍແພງ ລະເນັດ ມັນຊ້າ ຄືຫອຍໄຕ່ ນີ້... ເວົ້າມາລະໃຈຂຶ້ນ... ມັນວ່າສັນຍານຄວບຄຸມ ທົ່ວປະເທດ ຂີໄປຮອດ ເມືອງປາກງຶ່ມນີ້ ມັນກະຫາຍແລ້ວ ອັນ 3G 4G  ນີ້ກະດາຍ.....

ກູຊິໂທໄປຟ້ອງ 1510 ໂລດ ເບິ່ງ....