ມື້ນີ້ ບ່າວເກີບແຕະ ໄດ້ມີໂອກາດ ໄປທ່ຽວ ບາງກອກ ນຳແມ່, ຮູ້ສຶກດີໃຈຫຼາຍ. ເພາະວ່າດົນ ແມ່ຈັ່ງມີເວລາພາໄປທ່ຽວ. ກະພໍ່ດີໄດ້ໂອກາດ ຊິໄດ້ຈອບອອຍໃຫ້ແມ່ ຊື້ເກີບຄູ່ໃໝ່ໃຫ້. ເພາະວ່າ ເກີບແຕະ ທີ່ໃສ່ ມັນກະເກົ່າແດ່ແລ້ວ.
ເກີບແຕະກະບໍ່ທຳມະດາເດີ ພີ່ນ້ອງເດີ! ຂ້ອຍຊິເວົ້າສູ່ຟັງວ່າ ລຸ້ນຫຼ້າສຸດ ນີ້ກະລາຄາຕົກໃຈສົມຄວນ. ປົກກະຕິ ເກີບແຕະ ທີ່ເຄີຍຊື້ກະປະມານ 20,000 ກີບ ຫາ 50,000 ກີບ ກະເທ້ສົມຄວນແລ້ວ.
ມື້ນີ້ ແມ່ບອກວ່າເລືອກໄດ້ຕາມໃຈ, ຮ່ວາຍ! ຖືກໃຈບັກເຜີ້ງແຫຼະນໍ້! ຈັດການໃຫ້ແມ່ເລີຍຊາ. ຂ້ອຍກະເລື່ອກໄດ້ຄູ່ໜື່ງ ກະບໍ່ແພງປານໃດ 16,700 ນີ້ລະ. ຍີ້ຫໍ່ກະຄັກດີ Molitor Thong (LV) . ຄວາມງາມນ້ຳໜັກ ດີບໍ່ໃຫ້ເວົ້າ! ເວລາໃສ່ນີ້ກະປານລອຍຂຶ້ນໂລດພີ່ນ້ອງເອີຍ.
ຕົກເປັນເງິນກີບກະປະມານ ສີ່ລ້ານປາຍໆ. ຂ້ອຍກະດີໃຈຫຼາຍທີ່ສຸດທີ່ແມ່ຊື້ໃຫ້.
ຫຼັງຈາກນັ້ນ, ຂ້ອຍກັບແມ່ກະຂີ່ຍົນກັບມາລາວ ຕອນແລງ, ກັບສາຍການບິນລາວນີ້ແລ້ວ. ໄດ້ເກີບໃໝ່ ກະຕ້ອງໃສ່ໄປອວດແຟນ ຈັກບາດ.
ໃສ່ເກີບຄູ່ນີ້ ຍ່າງໄປທ່ຽວ ວຽງຈັນເຊັນເຕີ ປາໂທມີແຕ່ຄົນເບິ່ງເອົາແທ້ເອົາຫວ່າ! ກະມັນ LV ເວີຍ! ກຳລັງຮິດອີກ. ສີຟ້າສົດໃສ.
ຂະນະທີ່ ກຳລັງພາແຟນເລາະ ຢູ່ວຽງຈັນເຊັນເຕີ ຕອນທີ່ກຳລັງທີ່ຈະ ລົງຈາກຂັ້ນໄດເລື່ອນ ຈາກຊັ້ນສາມມາຊັ້ນສອງ. ຂ້ອຍລະເກີດອຸບັດຕິເຫດ ເກີບຂ້ອຍມັນໄປຄາຢູ່ຂັ້ນໄດເລື່ອນໂອຍ! ຂ້ອຍລະເປັນຮ້ອງເປັນໄຫ້. ເກີບລາຄາ 4 ລ້ານປາຍຂອງຂ້ອຍມຸ່ນແທ້ໆ...
ທັນໃດນັ້ນ, ແຟນຂ້ອຍລາວກະບໍ່ຫຼາຍເລື້ອງແລ້ວ! ລາວກະຮ້ອງໃຫ້ຄົນແຖວນັ້ນ ວ່າຊ່ວຍແດ່ໆ ຊ່ວຍແດ່ໆໆໆ...
.... ຮ່າເອີຍ! ຂ້ອຍລະຊວດຕື່ນ ຈາກຄວາມຝັນອີກແລ້ວ... ຈົນຕ້ອງໄດ້ກັບມາໃສ່ເກີບອີແຕະ ຄູ່ເກົ່າ ຕາມຂ້າງລຸ່ມນີ້ລະ....
No comments:
Post a Comment