ເທື່ອດຽວກະກັດແຂ້ວໃສ່ແລ້ວ!

ມື້ນີ້ຖືໂອກາດດີ ສ່ຽວໄກ່ ເລີຍພາເມຍ ໄປຢາມສ່ຽວເປັດ ຢູ່ເຮືອນ ເພື່ອພົບປະ ແລະ ສ້າງສັນກັນຕາມພາສາ ໝູ່ເພື່ອນ. ດົນໆ ກໍ່ຕ້ອງໄດ້ ສ້າງສັນ ໂອ້ລົມກັນແດ່.

ພໍໄປຮອດເຮືອນ ສ່ຽວເປັດ, ສ່ຽວໄກ່ ກໍ່ຟ້າວບອກເມຍ ໃຫ້ເອົາອາຫານການກິນ ທີ່ຊື້ມາ ເຂົ້າໄປແຕ່ງພາ ຢູ່ເຮືອນຄົວ ກັບເມຍສ່ຽວເປັດ. ສ່ວນສອງສ່ຽວເພິ່ນ ກໍ່ພາກັນ ຈັບປ໋ອງເບຍຄົນລະປ໋ອງ ມານັ່ງຝອຍກັນ ຢູ່ບ່ອນນັ່ງຫຼິ້ນໜ້າບ້ານ.


ສ່ຽວໄກ່: ຈັ່ງໃດ ເປັດ! ຢູ່ດີມີແຮງ ຢູ່ຕີ?
ສ່ຽວເປັດ: ທຳມະດາສ່ຽວ! ແຂງແຮງ ເຂັ້ມແຂງດີ!

ສ່ຽວໄກ່: ຮວ໋າຍ! ເວົ້າເລື່ອງແຂງແຮງ! ໂຕດຽວນີ້ເປັນຈັ່ງໃດ? ແຕ່ງງານມານ ສິບກວ່າປີ ຍັງໄດ້ 3, 4 ,5 ຄືແຕ່ຕອນເປັນບ່າວຢູ່ເບາະ!
ສ່ຽວເປັດ: ໂອ໋ຍ! ກະຢາກວ່າຝືດ! ຄັນໄດ້ 2 ນີ້ກະຖືວ່າ ສຸດຍອດແລ້ວ! ແລ້ວ ໂຕເດ!​ໄດ້ຂ່າວ ວ່າໄດ້ຮອດ 6 ພຸ້ນບໍ່?

ສ່ຽວໄກ່: ແນ່ນອນຢູ່ແລ້ວ! ເລື່ອງນີ້ຕ້ອງອືດໄດ໋ ສ່ຽວ 4, 5,​6 ພຸ້ນແຫຼະນໍ້!

ພໍເວົ້າມາຮອດນີ້! ຜູ່ເປັນເມຍສ່ຽວໄກ່ ໄດ້ຍິນກໍ່ຮ້ອງອອກມາແຕ່ເຮືອນຄົວ....

ເມຍສ່ຽວໄກ່: ໂອ໋ຍ! ພໍ່ສ່ຽວເອີຍ! ຢ່າໄປຟັງຄວາມຂີ້ໂມ້ລາວ! ອັນ 4, 5,​ 6 ຫັ້ນນາ! ຍົກດຽວ ຍັງກັດແຂ້ວໃສ່ເກືອບຕາຍແລ້ວ

ສ່ຽວເປັດ: ຮະຮະຮຮະຮະຮະ!
ສ່ຽວໄກ່: 😰😭