ປ້າຍລົດເຮັງ! ແບບໃດຈິ່ງຈະເຮັງໆລວຍໆ ກົດອ່ານເລີຍ

ເມຍຂອງ ອາເຮຍ ໄປຊື້ລົດເບັ້ນຄັນງາມ ລາຄາແສນກວ່າໂດລາ ແນ່ນອນ ກໍ່ຕ້ອງໄດ້ຊອກປ້າຍງາມໆ ປ້າຍມຸງຄຸນເພື່ອຈະໃຫ້ມັນມີລາສີ ແລະ ມີບຸນວາດສະໜາ.

ພາຍຫຼັງຊື້ລົດແລ້ວ ກໍ່ຟ້າວໄປຫາຄູບາຢູ່ວັດ ເພື່ອຖາມເຖິງ ເລກລົດດີລົດງາມ...  ທາງຄູບາອາຈານ ກໍ່ບອກວ່າ ເລກໃດກໍ່ດີກໍ່ງາມເດີ. ຖ້າຢາກລວຍ ກໍ່ໃຫ້ມີ ຕົວ ອັກສອນ "ລ" ຄັນຢາກໃຫ້ເຮັງ ກະໃຫ້ມີ ຕົວອັກສອນ "ຮ" ສ່ວນຕົວເລກລົດນັ້ນກໍ່ຕາມໃຈຄົນມັກເດີ!

ພາຍຫຼັງໄດ້ຄຳແນະນຳ ກໍ່ຮີບຟ້າວໂທບອກຜົວ ທີ່ກຳລັງໄປໂຍທາ ເພື່ອເລືອກປ້າຍທະບຽນ. 

ເມຍ: (ສຽງລາວໃຕ້) ຟັງຄັກໆເດີອ້າຍ! ໃຫ້ໄດ້ ປ້າຍ ລຮ ຫຼື ຮລ ເດີ, ຄັນບໍ່ມີແທ້ໆ ກະຊອກ ລລ ຫຼື ຮຮ ກະໄດ້.

ຜົວ: ໄດ້ໆ ທີ່ຮັກ! 

ຫຼັງຈາກໄດ້ປ້າຍແລ້ວ! ຜົວກະກັບບ້ານ ເພື່ອຈະມາອວດເມຍເພາະໄດ້ປ້າຍງາມ. ເລກເປົາ 8888, ແຕ່ວ່າ ອັກສອນນັ້ນເພິ່ນອຳໄວ້ ມາເຊີໄພ້ເມຍ ວ່າຊັ້ນຊາ.

ຜົວ: ທີ່ຮັກ ຂ້ອຍໄດ້ ມາແລ້ວ ທະບຽນ ເປົາ 8888 ສົມໃຈເຈົ້າ. 

ເມຍ: ຄັກແທ້ທີ່ຮັກຂ້ອຍ! ອັກສອນມີ ຕົວ "ລ" ບໍ່?

ຜົວ: ມີແທ້! ຕົວທຳອິດອີກ! 

ເມຍ: ຄັກໆ! ແລ້ວ ຕົວ "ຮ" ກະມີບໍ່?

ຜົວ: ໂອ໋ຍ! ບໍ່ແລ້ວ!​ຂ້ອຍຟັງບໍ່ຄັກ ຂ້ອຍລະໄດ້ "ລຫ" ມາ

ເມຍ: ຈັ່ງແມ່ນນໍ້ ບອກເອົາ ລລ ລຮ ຮຮ ຮລ. ລຳລວຍ ຮັ່ງເຮັງ. 

ຈັກເອົາມາເຮັດອີຫຍັງ ອັນ ລຫ (ເລຍxີ , ເລຍxອຍ)

ຜົວ: ໃຜຊິຮູ້!  ແນວຂ້ອຍມັກ "ລຫ" ເນາະ 55555555555

via GIPHY